Prashna Tumcha Uttar Dabholkaranche (Marathi Edition)
Dabholkar, Narendra [Dabholkar, Narendra]
फेब्रुवारी-मार्च 2013 मध्ये ऑडिओ-व्हिडिओ मुलाखतीच्या संदर्भात गिरीश लाड व अंनिसचे काही कार्यकर्ते यांच्याशी डॉक्टरांनी ‘त्या मुलाखतीचे स्वरूप कसे असावे’ याबाबत चर्चा केली. सर्वानुमते असे ठरले की, महाराष्ट्राच्या कानाकोपऱयांत डॉ.दाभोलकरांना व अंनिसच्या कार्यकर्त्यांना जे प्रश्न लहान-थोरांकडून विचारले जातात आणि जे आक्षेप समर्थक-विरोधकांकडून घेतले जातात, त्यातील निवडक प्रश्न व आक्षेप यांना उत्तरे देणारी मुलाखत असावी. आणि मग त्या मुलाखतीचे शीर्षक ठरले, ‘प्रश्न तुमचा, उत्तर दाभोलकरांचे’. त्या मुलाखतीतून ऐकणाराच्या-पाहणाऱयाच्या मनात अंनिसच्या व डॉक्टरांच्या भूमिकेची किमान ओळख व्हावी आणि ती भूमिका अधिक विस्तृतपणे जाणून घेण्याची इच्छा उत्पन्न व्हावी, असा हेतू होता. त्यानुसार बरीच कात्री लावूनही किमान 25 प्रश्न तरी होतील, असे डॉक्टरांच्या लक्षात आले आणि एका प्रश्नाला कमीत कमी चार मिनिटे इतका वेळ दिला तरी ती मुलाखत 100 मिनिटांची होईल हेही उघड झाले. वस्तुत: प्रत्येक प्रश्नाची व्याप्ती व खोली लक्षात घेता चार मिनिटे इतका वेळ खूपच अपुरा होता. पण त्याआधीची चार-पाच वर्षे दूरचित्रवाहिन्यांवर अनेक वेळा मुलाखती वा बाईट देताना, ते कौशल्य डॉक्टरांनी चांगलेच आत्मसात केले होते. इतके की, बाईट घेणारा नवखा पत्रकार जेव्हा सांगायचा की, ‘तुम्ही बोला आम्ही पाहिजे ते घेतो’; तेव्हा डॉक्टर म्हणायचे, ‘तसं नको, वेळ सांगा. एकच मुद्दा मी 15 मिनिटांत सांगू शकतो आणि तीन मिनिटांतही सांगू शकतो.’
Година:
2020
Език:
marathi
Файл:
EPUB, 1.74 MB
IPFS:
,
marathi, 2020